Ирандық кәсіпкерлерге виза беру ережелері жеңілдетіледі
Ирандық кәсіпкерлерге виза беру ережелері жеңілдетіледі
Алматы. 31 мамыр. Kazakhstan Today - Ирандық кәсіпкерлер мен туристерге виза беру ережелері жеңілдетіледі. Сондай-ақ, Иран мен Қазақстан арасында тікелей әуе рейстерін ашу жоспарлануда, деп хабарлайды Kazakhstan Today "Фарс" агенттігіне сілтеме жасап.
Тегеранда өткен баспасөз мәслихатында Қазақстанның Ирандағы елшісі Нұрбақ Рүстемовтың хабарлағанындай, "Қазақстан Республикасының елшілігі Ирандық кәсіпкерлер мен туристерге виза беру ережелерін жеңілдетуге бар күшін салуда", деп хабарлайды "Фарс".
Қазақстан елшісімен жексенбіде Тегеран қаласында кездесу кезінде Иран Сыртқы істер министрлігінің екінші басқармасының бастығы Насер Акеджани (Nasser Aqajani) атап өткендей, Тегеранда Қазақстанмен ынтымақтастық жөніндегі жан-жақты жоспарлар бар.
"Екі жақты деңгейде екі ел 60 шақты жобаны айқындаған, олардың бір бөлігі қазір жүзеге асырылып жатыр. Қалған бөлігі бойынша ынтымақтастық мәселесі күн тәртібінде тұр", - деді Н. Акеджани.
Ол бұған қоса екі елдің Тегераннан Қазақстанға тікелей рейстер ашуды жоспарлап отырғанын және алдағы жылдарда екі ел арасында күнделікті әуе қатынасы ашылатынын атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.