АСТАНА. 26-ақпан. Kazakhstan Today. Ислам Конференциясы Ұйымы (ИКҰ) Қазақстан Республикасының Дүниежүзілік Туристік Ұйымының (ДТҰ) Атқарушы кеңесінің 2007-2011 жылдары аралығында мүшелігіне үміткерлігіне және ДТҰ-ның Бас ассамблеясының 18-ші отырысын 2009 жылы Астана қаласында өткізуіне қатысты ИКҰ-ға мүше елдерді қолдау көрсетуге шақырды.Бұл туралы Kazakhstan Today тілшісіне ҚР СІМ-нің баспасөз қызметі хабарлады.
Қазіргі уақытта штаб-пәтері Жидда қаласында орналасқан Ислам Конференциясы Ұйымы 57 мұсылман елінің басын біріктіреді. Қазақстан осы беделді халықаралық ұйымға 1995 жылдан бері мүше болып табылады. ИКҰ-ның қаржы институты - Ислам даму банкі Алматыда аймақтық өкілділігін ашып, еліміздің ірі инвестициялық жобаларын қаржыландыруға атсалысып келеді. Өткен жылдың қыркүйек айында Ислам Конференциясы Ұйымы Орталық Азияны ядролық қару-жарақтан еркін аймаққа айналдыру туралы Қазақстан, Өзбекстан, Қырғызстан, Тәжікстан және Түрікменстанның Семей мәлімдемесін қолдаған болатын.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ислам Конференциясы Ұйымы Дүниежүзілік Туристік Ұйымының Бас ассамблеясының 18-ші отырысын 2009 жылы Астана қаласында өткізуіне қатысты мұсылман елдерді қолдау көрсетуге шақырды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.