АСТАНА. 4-қыркүйек. Kazakhstan Today. ЮНЕСКО-ның бас директоры Коичиро Мацуура қыркүйектің 10 мен 13 аралығында ресми сапармен елімізге келеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
"ЮНЕСКО-ның бас директоры Коичиро Мацуура өзінің елімізге сапары аясында ел басшылығымен кездесіп, Қазақстан Республикасының үкіметі мен ЮНЕСКО арасындағы ынтымақтастықты нығайту туралы меморандумға қол қояды. Сондай-ақ, ол қыркүйектің 12 мен 14 аралығында өтетін Илемдік және дәстүрлі діндер жетекшілерінің екінші сьезіне қатысуды жоспарлап отыр",- деді Е.Ашықбаев.
Сонымен бірге Е.Ашықбаевтың айтуынша, 7-қыркүйекте "Балалар құқығын қорғау жөніндегі" үкіметтік емес ұйым шеңберінде құрылған жұмыс тобының бастамасымен Қазақстанға БҰҰ-ның балалар құқығы жөніндегі комитетінің төрағасы Якоб Эгберт Доек мырза келеді деп күтілуде.
"Елімізде балалар құқығының қорғалу жағдайын талқылау үшін БҰҰ-ның балалар құқығы жөніндегі комитетінің төрағасы бірқатар министрліктер мен мекемелерде кездесулер өткізеді",- деді Е.Ашықбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ЮНЕСКО-ның бас директоры ресми сапармен елімізге келеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.