Кабулда Қазақстанның есебінен жүзеге асырылатын әлеуметтік жобаларды одан әрі жүзеге асыру жайы талқыланады
Кабулда Қазақстанның есебінен жүзеге асырылатын әлеуметтік жобаларды одан әрі жүзеге асыру жайы талқыланады
Астана. 7 сәуір. "Қазақстан Бүгін" - Сәуірдің 11 мен 18 аралығында ҚР СІМ төтенше тапсырмалар жөніндегі елшісі - ҚР үкіметінің Ауғанстанға көмек көрсету жөніндегі арнаулы өкілі Асхат Оразбай басқарған мекемеаралық делегация Ауғанстанға бармақшы. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
"Сапар мақсаты Ауғанстанның мүдделі органдарының өкілдерімен бірлесіп, Қазақстан Республикасы үкіметінің Ауғанстан Ислам Республикасына көмек көрсету жөніндегі 2007-2008 жылдарға арналған іс-шаралар жоспарына сәйкес Қазақстан жағының есебінен жүзеге асырылатын жобаларды іске асыру тетіктерін дәйектеуге саяды", - деді Е.Ашықбаев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.