АСТАНА. 14-наурыз. Kazakhstan Today. Қазақстан халықаралық қоғамдастық тарапынан Ауғанстанға ауқымды қаржылай-экономикалық көмек көрсету бағдарламасын әзірлеуге ұсыныс жасады. Бұл туралы бүгін "Қазақстан Республикасының халықаралық ынтымақтастығы: нақты ахуал, міндеттер мен болашақ" тақырыбындағы халықаралық бас қосуда сөз алған Қауіпсіздік кеңесінің хатшысы Берік Имашев мәлімдеді, деп хабарлайды Kazakhstan Today агенттігінің тілшісі.
"Біздіңше, трансұлттық есірткі саудасына табысты қарсы тұру үшін негізгі күшті осы зұлматты біржола жоюға жұмылдыру қажет. Аталмыш мақсатта Ауғанстанның экономикасын есірткіге тәуелділіктен құтқару және осы елден заңды өнімдерді экспортқа шығаруға ынталандыратын алғышарттарды қалыптастыру мақсатында елге ауқымды қаржылай-экономикалық көмек көрсету жөнінде нақты бағдарламалар жасау керек",- деп мәлімдеді Б. Имашев.
Сонымен қатар, ол аталмыш мәселеде "аймақ мемлекеттерінің ғана емес, сондай-ақ барлық әлемдік ірі державалардың белсенді қатысуын талап ететіндігін", атап көрсетті. "Қазақстан бұл іске өз шамасынша үлес қосуға дайын",- деп қосты Қауіпсіздік кеңесінің басшысы.
Б. Имашев қазіргі уақытта "Алматыда БҰҰ-ның көмегімен Орта Азиядағы есірткіге қарсы біріккен іс-қызметтерді үйлестіретін аймақтық халықаралық ақпараттық орталық құрылып жатқандығын" еске сала кетті. "Орталықтың ашылуы Қазақстанның есірткінің таралуымен күрес саласындағы өзіне жүктеп алған халықаралық міндеттемелерінен ауытқымайтынына дәлел болып табылады",- деп атап көрсетті ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Ауғанстанға қаржылай-экономикалық көмек көрсету бағдарламасын жасауға бастама көтерді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.