Қазақстан делегациясы Азия ынтымақтастық диалогына қатысушы елдердің жоғары дәрежелі зерттеушілері тобының жиналысына қатысады
Қазақстан делегациясы Азия ынтымақтастық диалогына қатысушы елдердің жоғары дәрежелі зерттеушілері тобының жиналысына қатысады
Астана. 14 сәуір. "Қазақстан Бүгін" - Қазақстан делегациясы Азия ынтымақтастық диалогына қатысушы елдердің жоғары дәрежелі зерттеушілері тобының Сеул қаласында 17-18 -сәуірде өтетін жиналысына қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
"Қазақстан үшін бұл шараның маңызы аса зор, өйткені, Азия ынтымақтастық диалогына қатысушы елдердің 7-ші министрлер кездесуі 2008-жылғы күзде Қазақстанда өтеді деп межеленген, бұдан кейін 2008 - 2009 жылдар аралығында осы ұйымға төрағалық жасау құзыреті елімізге ауысады", - деді Е. Ашықбаев.
Ол мұндай шешімнің 2006 жылы сыртқы істер министрлерінің Дохада өткен жыл сайынғы отырысында қабылданғанын еске салды.
Азия ынтымақтастық диалогын құру жөніндегі бастаманы 2002-жылы Таиланд көтерген. Ол Азияның артықшылығын біріктіру үшін Азиядағы ынтымақтастық аясын кеңейту және оны дамыту үшін құрлықтағы ресурстарды жоғары деңгейде пайдалану мақсатын көздейді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.