Қазақстан ЕҚЫҰ төрағасы ретінде Қырғызстандағы барлық үдерістер Конституцияға сәйкес ретке келеді деп үміттенеді - ҚР СІМ
Қазақстан ЕҚЫҰ төрағасы ретінде Қырғызстандағы барлық үдерістер Конституцияға сәйкес ретке келеді деп үміттенеді - ҚР СІМ
Астана. 15 сәуір. Kazakhstan Today - Қазақстан ЕҚЫҰ төрағасы ретінде Қырғызстандағы барлық үдерістер Конституцияға сәйкес ретке келеді деп үміттенеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Асқар Ибдірахманов мәлімдеді,- деп хабарлайды Kazakhstan Today.
Асқар Ибдірахмановтың айтуынша, ЕҚЫҰ-ның Қазақстандық арнаулы өкілі, мәжіліс депутаты Жәнібек Кәрібжановтың сапары аясында "Қырғызстанның уақытша үкіметімен және басқа да халықаралық ұйымдардың өкілдерімен белсенді консультациялар өткізілуде".
"Қазақстанның ЕҚЫҰ-ына төрағалығы аясындағы мұндай күш-жігерлер белгілі бір жемісін беріп, соның нәтижесінде біз таяу уақыттарда Қырғызстандағы саяси үдерістердің Конституция аясына оралуына куә бола аламыз деп үміттенеміз", - деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.