Қазақстан ЕҚЫҰ-ға төрағалығының аясында ұйымның бюджетін қалыптастыру жөніндегі жұмысқа 2009 жылғы қазаннан бастап басшылық жасайды
Қазақстан ЕҚЫҰ-ға төрағалығының аясында ұйымның бюджетін қалыптастыру жөніндегі жұмысқа 2009 жылғы қазаннан бастап басшылық жасайды
Вена. 6 сәуір. "Қазақстан Бүгін" - Қазақстан ЕҚЫҰ-ға төрағалығының аясында ұйымның бюджетін қалыптастыру жөніндегі жұмысқа 2009 жылғы қазаннан бастап басшылық жасайды, деп хабарлайды "Қазақстан Бүгін" агенттігінің тілшісі Қазақстан Республикасының Еуропадағы қауіпсіздік және ынтымақтастық жөніндегі ұйым жанындағы тұрақты өкілдігіне сілтеме жасап.
Баспасөз қызметінің ақпаратына сәйкес, ЕҚЫҰ тұрақты кеңесінің 2 сәуірде өткен кезекті отырысында қатысушы мемлекеттер ұйымның 2009 жылға арналған құрама бюджетін қабылдады. Бюджеттің жалпы деңгейі 158 676 700 еуроны құрайды.
"Бюджеттің қабылдануы бізге тұрақтылықты, өркендеуді және демократияны жолға қою әрі қолдау үшін үнқатысу мен ынтымақтасуды ілгерілету жөніндегі негізгі жұмысқа алаңсыз кірісуге мүмкіндік береді", - деп атап өтті тұрақты кеңестің төрағасы, Грекия елшісі Мара Маринаки.
Кеңес отырысында сөз сөйлеген Қазақстанның ЕҚЫҰ жанындағы тұрақты өкілі Қайрат Ибдірахманов құжатты келісудегі грек төрағалығы жұмылдырған күш-жігерді ерекше атап өтіп, ұйымның құрама бюджеті бойынша ортақ келісімге қол жеткізілгенін құптады. Сонымен қатар елші қатысушы мемлекеттердің бюджеттің өз уақытында қабылдануын талап ететін ережелерді сақтауының маңыздылығына назар аударды.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.