Қазақстан Газ экспорттаушы елдердің форумындағы байқаушы мәртебесіне ие болды
Қазақстан Газ экспорттаушы елдердің форумындағы байқаушы мәртебесіне ие болды
Алматы. 24 желтоқсан. "Қазақстан Бүгін" - Қазақстан Газ экспорттаушы елдердің форумындағы байқаушы мәртебесіне ие болды, деп хабарлайды агенттік тілшісі "Коммерсантъ" газетіне сілтеме жасап.
Газеттің хабарламасына сәйкес, Қазақстан Газ экспорттаушы елдердің форумындағы байқаушы мәртебесіне ие болды. Отырыста сонымен бірге Газ экспорттаушы елдердің форумына Экваториялық Гвинеяны біріктіруге шешім қабылданды. Бұл ел бұған дейін форумда байқаушы болған. Газ экспорттаушы елдердің форумының бас пәтері орналасатын ел құпия дауыс беру арқылы анықталып, Доха (Катар) таңдалды.
"РосБизнесКонсалтинг" агенттігінің хабарлауынша, Газ экспорттаушы елдердің форумының бас хатшысы форумның келесі отырысында сайланады. Сондай-ақ, форумның ісін басқару жөніндегі атқарушы кеңес пен форумның жұмысының техникалық және ұйымдастыру жақтарымен айналысатын хатшылық құру жоспарлануда. Ал форумды бас хатшы басқаратын болады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.