"Қазақстан инжиниринг" және ресейлік қорғаныс кәсіпорны төтенше жағдайлар туралы хабарлау жүйесін бірлесіп жасамақ
"Қазинжинирингпен бірге келіссөздер жүргізілді және Киров атындағы Петропавл зауытында ресейлік қорғаныс кәсіпорны Калуга телеграф зауытымен бірлесіп хабар тарату жүйесін шығаратын цехті қажетті қондырғымен жабдықтау басталды", - деп Төтенше жағдайлар министрі Владимир Божко бүгін Астанада өткен үкімет отырысында атап көрсетті.
Астана. 11-қыркүйек. Kazakhstan Today - "Қазақстан инжиниринг" ұлттық компаниясы мен Калуганың телеграф аппаратура зауыты бірлесіп Петропавлда Қазақстанның Төтенше жағдайлар министрлігінің қажеттілігіне арнап хабар тарату жүйесін шығармақ, деп хабарлайды Kazakhstan Today агенттігінің тілшісі.
"Қазинжинирингпен бірге келіссөздер жүргізілді және Киров атындағы Петропавл зауытында ресейлік қорғаныс кәсіпорны Калуга телеграф зауытымен бірлесіп хабар тарату жүйесін шығаратын цехті қажетті қондырғымен жабдықтау басталды", - деп Төтенше жағдайлар министрі Владимир Божко бүгін Астанада өткен үкімет отырысында атап көрсетті.
Министрдің айтуынша, бұл қондырғыны сатып алу мемлекеттік қорғаныстық тапсырысқа енгізілмек. Қажетті бюджет қаржысын әкімдер қарастыруы тиіс.
Петропавлда хабар тарату жүйесінің қондырғысы барлық энергожүйелері толық ажыраған кезде де жұмыс істей береді. "Ауыл немесе шағын қала әкімі ұялы телефоннан бұл жүйелерді қоса алады, ол бір сағат бойы автономды жұмыс істей алады", - дейді министр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.