Қазақстан Каспий аймағының елдерімен ынтымақтастығын тереңдетуге мүдделі - Назарбаев
Қазақстан Каспий аймағының елдерімен ынтымақтастығын тереңдетуге мүдделі.
Астана. 17-қазан. "Қазақстан Бүгін" - Қазақстан Каспий аймағының елдерімен ынтымақтастығын тереңдетуге мүдделі. Бұл туралы кеше Тегеранда өткен Каспий жағалауы елдері мемлекет басшыларының екінші саммитінде сөз сөйлеген Қазақстан Республикасының президенті Нұрсұлтан Назарбаев мәлім етті, деп хабарлайды "Қазақстан Бүгін" агенттігінің тілшісі.
"Бүгінгі келіссөздер - Каспий жағалауындағы елдердің достық қатынасының куәсі және тығыз ынтымақтастық пен өзара түсіністікке ұмтылудың көрінісі.
Қазақстан Каспий аймағының елдерімен барлық саладағы серіктестігін тереңдетуге мүдделі. Және де біз мұндай мүддені Каспий теңізі жағалауындағы көршілер тарапынан да көріп отырмыз",- деді Қазақстанның елбасы.
Н. Назарбаев Иран президентінің теңіз мәртебесін реттеу үшін Каспий жағалауы елдерінің сыртқы істер министрлерінің тұрақты кездесуі туралы идеясын қолдады.
"Каспийде барлық бағыттар бойынша тиімді және жедел ынтымақтастық жасауға мүмкіндік беретін құқықтық база құру жөніндегі арнайы жұмыс тобының жұмысын оң бағалаймыз, және де Каспий теңізінің құқықтық мәртебесі туралы конвенция жобасына қатысты жүргізіліп жатқан жұмыстың тез арада аяқталуын күтеміз",- деп атап өтті Қазақстанның президенті.
Ол, Тегерандағы кездесу "біздің елдердің достастығын нығайту, өзара түсіністік пен өркендеуіне лайықты үлес қосатындығына" сенімділігін танытты. "Ол үшін барлық қажетті алғышарттар мен жағдайлар, және де ең бастысы ерік-жігер бар. Біз тек өз күштерімізді біріктіре отырып қалаған нәтижеге - Каспий теңізінің бүкілін қамтитын құқықтық мәртебесін анықтуға қол жеткізе аламыз",- деп қорытындылады Н. Назарбаев.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.