АСТАНА. 14-наурыз. Kazakhstan Today. Қазақстан қазіргі мемлекетаралық бірлестіктер аясында парламентаралық байланыстарды дамыта береді. Бұл туралы бүгін "Қазақстан Республикасының халықаралық ынтымақтастығы: қазіргі ахуал, мақсаттар мен келешек" тақырыбындағы халықаралық бас қосуда парламент сенатының спикері Қасым-Жомарт Тоқаев мәлімдеді, деп хабарлайды Kazakhstan Today тілшісі.
"Біз ТМД, ЕурАзЭҚ және Ұжымдық қауіпсіздік келісім-шарты ұйымы шеңберінде парламентаралық байланыстарды дамыта беруге тиіспіз",- деді Қ.Тоқаев.
Бір басым бағыт - Қазақстан мен Ресей арасындағы ынтымақтастық, деді ол. Қ.Тоқаевтың айтуынша, Ресеймен стратегиялық әріптестік пен одақтастық байланыстарды дамыту елімізді әлемнің бәсекеге қабілетті 50 елінің санатына қосу жөніндегі стратегиялық мақсаттың негізінде жатыр.
Сонымен бірге, халықаралық ынтымақтастықтың тағы бір басым бағыты ретінде Қ.Тоқаев "Қытаймен арадағы өзара тиімді ынтымақтастық пен тату көршілікті нығайту" екенін және оның аясында парламентаралық байланыстарға да маңызды роль берілетінін атап өтті.
"Достық пен тату көршілік принциптерге бұлжытпай бағынатын Қазақстан мен Қытай өзара саяси сенімді тұрақты нығайтып, көптеген халықаралық маңызды мәселелер бойынша бір-бірін қолдайды, сауда-экономика, соның ішінде энергетика саласында табысты ынтымақтасып келеді",- деді сенат спикері.
Осыған байланысты ол ағымдағы жылы ҚХР төрағасы Ху Цзиньтао мен Бүкілқытайлық халық өкілдері жиналысының төрағасы У Банго Қазақстанға сапармен келетінін атап өтті.
Қ.Тоқаевтың айтуынша, сенат "АҚШ-пен байланысты дамытуға да баса назар аударады". "Қазақстан мен АҚШ арасында стратегиялық әріптестік байланыс орнаған. Ол ықпалдасьықтың кең көлемді қырларымен және өзара жоғары деңгейдегі сенімділікпен сипатталады",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан қазіргі мемлекетаралық бірлестіктер аясында парламентаралық байланыстарды дамыта береді - сенат спикері
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.