22.10.2012, 14:20 3067

Қазақстан мен Автрия президенттері екі ел арасындағы ынтымақтастықты нығайтудың келешегін талқылады

ҚР президентінің баспасөз қызметінің хабарлауынша, "Хофбург" сарайындағы мемлекет басшылары арасындағы ресми кездесу шарасынан кейін шағын және кеңейтілген құрамда келіссөздер өткізілді.

Астана. 22-қазан. Kazakhstan Today - Бүгін ресми сапар аясында Қазақстан Республикасының Президенті Нұрсұлтан Назарбаев Австрия Рсепубликасының Федералды президенті Хайнц Фишермен кездесті, деп хабарлайды Kazakhstan Today агенттігінің тілшісі.

ҚР президентінің баспасөз қызметінің хабарлауынша, "Хофбург" сарайындағы мемлекет басшылары арасындағы ресми кездесу шарасынан кейін шағын және кеңейтілген құрамда келіссөздер өткізілді.

Кездесу барысында екі ел арасындағы саяси, сауда-экономикалық және мәдени-гуманитарлық ынтымақтастықты нығайту мүмкіндіктері, сондай-ақ халықаралық күн тәртібінің маңызды мәселелері талқыланды.

Қазақстан Президенті Нұрсұлтан Назарбаев Хайнц Фишерді келе жатқан Австрия Республикасының Ұлттық күнімен құттықтады және Австрия халқына бақыт, өсіп-өркендеу және есендік тіледі.

"Менің Венаға сапарым Қазақстан Республикасы мен Австрия Республикасының арасында дипломатиялық қатынастар орнағанына 20 жыл толған жылы өтуде. Бүгінде біздің елдер арасындағы екіжақты қатынастардың дамуында оң серпін бар. Қазақстанда австриялық капиталдың қатысуымен бірқатар кәсіпорын табысты жұмыс істеп жатыр", - деп атап өтті Нұрсұлтан Назарбаев.

Австрия Қазақстанның сауда саласындағы ірі әріптестерінің ондығына кіреді. 2011 жылдың қорытындысы бойынша екіжақты тауар айналымы 50 процентке артты және 4 миллиардтан астам долларға жетті.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны