АСТАНА. 6-наурыз. Kazakhstan Today. Бүгін Астанада Қазақстан мен Грузия арасындағы халықаралық автокөлік қатынасы туралы жаңа келісімге қол қойылды, деп хабарладйы Kazakhstan Today тілшісі.
Қазақстан жағынан құжатқа еліміздің көлік және коммуникациялар министрі Серік Ахметов, ал Грузия жағынан осы елдің экономикалық даму жөніндегі вице-министрі Иванэ Накаидзе қол қойды.
"Қазақстан мен Грузия арасындағы бұған дейінгі 1993-жылғы келісім бойынша автокөлік тасымалдары рұқсатнама жүйесіне сәйкес жүзеге асырылатын.. Қазір бұл шаруа жеңілдетілді. Біздің пайымдауымызша бүгін қол қойылған келісім тауар айналымын арттыруға, екі мемлекет арасындағы экономикалық байланыстарды жақсартуға мүмкіндік жасайды",- деді құжатқа қол қою рәсімінен кейін еліміздің көлік және коммуникациялар вице-министрі Жеңіс Қасымбек.
Өз кезегінде Грузияның экономикалық даму жөніндегі вице-министрінің айтуынша, "бұл келісім екі ел арасында қосымша тағы бір етене жақын экономикалық байланыс орнатып отыр". "Келісімге қол қойылмас бұрын біз министрмен темір жол көлігі жөнінде де, авиация жөнінде де сөз қозғадық, біздің жақсы жоспарларымыз бар, соның ішінде қазақстандық инвесторлардың Грузиядағы көлік инфрақұрылымын дамытуға атсалысу мүмкіндігі туралы да айтылды",- деді И.Накаидзе.
Еліміздің көлік және коммуникациялар министрлігінің баспасөз баянында атап көрсетілгеніндей, "аталмыш келісімге қол қою арқылы халықаралық автокөлікпен жасалатын жүк тасымалына рұқсат беру жүйесінің қажеттігі жойылып, тасымал көлемін ұлғайтуға және Грузияға жүк тасымалында Евро-0 стандарына сай келетін Қазақстанның автокөлік құралдарын пайдалануға жағдай жасалып отыр". Бұл қазақстандық тасымалдаушыларға Закавказье мен Орталық Азия елдеріндегі автотранспорттық қызметтер нарығында басымдыққа ие болуға мүмкіндік береді. Өйткені, қазақстанда осындай техникалық деңгейдегі автокөліктер саны өңір елдерімен салыстырғанда әлдеқайда артық. Осындай келісімдерге бұған дейін Армания, Өзбекстан, Тәжікстан және Қырғызстанмен қол қойылған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Грузия халықаралық автокөлік қатынасы туралы жаңа келісімге қол қойды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.