Қазақстан мен Иран Каспий маңында теміржол салуды талқылауда
"СІМ басшылары Каспий маңында теміржолды пайдаға беруге қатысты мәселелерді қарастырды. Қазақстан өз аумағындағы бөлігін тәуелсіздіктің 20 жылдығына орай аяқтайды",- деп хабарлады Қазақстанның СІМ халықаралық ақпарат комитетінің төрағасы Роман Василенко.
Алматы. 29-маусым. Kazakhstan Today ЕҚжЫҰ қазіргі төрағасы, мемлекеттік хатшы Қазақстанның сыртқы істер министрі Қанат Саудабаев Иранның сыртқы істер министрі Манучар Моттакимен Каспий маңында теміржол салу жөніндегі мәселені (Қазақстан Түркімения - Иран) талқылауда, деп хабарлайды Kazakhstan Today агенттігі Trans-Port порталына сілтеме жасай отырып.
"СІМ басшылары Каспий маңында теміржолды пайдаға беруге қатысты мәселелерді қарастырды. Қазақстан өз аумағындағы бөлігін тәуелсіздіктің 20 жылдығына орай аяқтайды",- деп хабарлады Қазақстанның СІМ халықаралық ақпарат комитетінің төрағасы Роман Василенко.
Сонымен қатар, Р. Василенко "экономикалық ынтымақтастықтың келешегі талқыланды" деп атап өтті. "Жуықта ашылған астық терминалы осы саладағы ынтымақтастықтың маңызды қадамы болып табылады",- деп атап көрсетті ол.
Қазақстан мен Иранның СІМ басшыларының кездесуі Ашхабадта өткен болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.