Қазақстан мен Испания қосарланған салықты болдырмау жөніндегі келісімге қол қоймақ ниетте
Қазақстан мен Испания қосарланған салықты болдырмау жөніндегі келісімге қол қоймақ ниетте
Астана. 2 шілде. "Қазақстан Бүгін" - Қазақстан мен Испания қосарланған салықты болдырмау жөніндегі келісімге қол қоймақ ниетте. Бұл туралы бүгін Испанияның сыртқы істер министрі Мигель Анхель Моратинос Қазақстанның сыртқы істер министрі Марат Тәжинмен кездесуден кейін журналистерге берген сұхбатында мәлім етті, деп хабарлайды "Қазақстан Бүгін" агенттігі.
"Серіктестік туралы стратегиялық келісім-шартымен қатар біз тағы бірнеше келісімге қол қоямыз. Олардың бірі аса маңызды келісім, ол - қосарланған салықты болдырмау жөніндегі келісім-шарты", - деді М. Моратинос.
Оның пікірінше, бұл келісім-шарты екі елдің қарым-қатынасын дамытуға және Қазақстанға испан капиталын тартуға септігін тигізеді.
"Қазақстан 2010 жылы ЕҚЫҰ-ына, ал Испания Еуропалық Одаққа Еуропадағы қауіпсіздік және ынтымақтастыққа қатысты барлық мәселелер бойынша төрағалық жасайды", - деді министр.
Сонымен бірге, оның айтуынша, Қазақстанға сапарының басты мақсаты
"стратегиялық серіктестікті ілгерілетуге саяды". "Бүгін біз Қазақстанның сыртқы істер министрімен бірлесе екі ел арасындағы стратегиялық серіктестік жөніндегі шартқа қол қоямыз", - деді М. Моратинос.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.