Қазақстан мен Қырғызстан бірлесіп құратын инвестициялық қоры екі ел арасындағы ынтымақтастықтың маңызды механизмі болады
Қазақстан мен Қырғызстан бірлесіп құратын инвестициялық қоры екі ел арасындағы ынтымақтастықтың маңызды механизмі болады
Бішкек. 18 наурыз. "Қазақстан Бүгін" - Қазақстан мен Қырғызстан бірлесіп құратын инвестициялық қоры екі ел арасындағы ынтымақтастықтың маңызды механизмі болады. Бұл туралы Қырғызстанның сауда және экономикалық даму министрі Ақылбек Жапаров мәлімдеді, деп хабарлайды агенттік тілшісі.
"Бұл қорды құру жөніндегі мәселелер Астанада өтетін Қырғызстан мен Қазақстанның мемлекетаралық кеңесінің отырысы барысында шешіліп, содан кейін ол бірден жұмысқа кіріседі. Бұл қор өткен жылы ҚР президенті Нұрсұлтан Назарбаевтың Бішкекке ресми сапары кезінде құрылып, Қырғызстанға тиімді жобаларды бірлесіп қаржыландыру қарастырылған. Қорға байланысты барлық дайындық жұмыстары аяқталды", - деп есептейді А. Жапаров.
Оның сөздері бойынша, отырыстың күн тәртібіне екі жаққа маңызды болып отырған мәселелер де енгізілетін болады. Онда Алматы-Ыстықкөл жолының құрылысын салу жобасы дар бар. Сондай-ақ, басқа салалар бойынша қарым қатынастарды нығайту мәселелері қарастырылады.
"Сондай-ақ, қырғыз-қазақ шекарасы бойынша туындап отырған екі жақты даулы мәселелер нақты шешіледі деген сенімдемін", - деді А. Жапаров.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.