Қазақстан мен Корея "жасыл" технологиялар арқылы энергия өндіру жобаларын жүзеге асыру туралы келісім жасасты
ШҚО ақпараттық орталығының хабарлауынша, Шығыс Қазақстан облысының әкімі Бердібек Сапарбаев бастаған делегация Корея Республикасына сапары барысында іскерлік орта өкілдерімен бірқатар келісімге қол жеткізді.
Астана. 24-желтоқсан. Kazakhstan Today - Қазақстан мен Корея "жасыл" технологиялар арқылы энергия өндіру жобаларын жүзеге асыру туралы келісім жасасты, деп хабарлайды Kazakhstan Today агенттігінің тілшісі.
ШҚО ақпараттық орталығының хабарлауынша, Шығыс Қазақстан облысының әкімі Бердібек Сапарбаев бастаған делегация Корея Республикасына сапары барысында іскерлік орта өкілдерімен бірқатар келісімге қол жеткізді.
Ресми сапар барысында қазақстандық өкілдер Канвандо аймағының губернаторы Чой Мун Сунмен, осы аймақтың бірқатар компаниялары басшыларымен кездесті.
Шығыс Қазақстан облысының және ЧхунЧхон қаласының іскерлік ортасының өкілдері "СемАЗ" Семей зауыты базасында ШҚО жедел жәрдем көліктерін құрастыру жобасын жүзеге асыруға туралы екіжақты келісімге келді.
ЧхунЧхон қаласы басшылығы маман алмасу және медицина қызметкерлерінің тәжірибесін арттыру туралы мәселенің маңыздылығына тоқталды.
Сеул қаласында өткен басқосуда жергілікті ірі индустриалды компаниялардың басшылары мен қазақстандық делегаттар инновациялық "жасыл технология" тәсілімен энергия өндіру жайлы, көмір өндірісінің қалдықтарын өңдеу, марал мүйізін өңдейтін және алтай балын өндіретін зауыттардың құрылысы туралы, ШҚО аймағында ГЭС салу туралы келісімге келді.
Жүргізілген келіссөздер барысында HKdfc., LTD и Kntechkorea Co., Ltd. Оңтүстік кореялық компаниялармен екіжақты меморандумға қол қойылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.