Қазақстан мен Малайзия екі ел арасындағы сауда-экономикалық ынтымақтастықты дамытпақ
Отырыста екіжақты әріптестіктің ағымдағы жағдайы мен қазақстан-малайзия ықпалдастығын одан әрі дамытумен байланысты басымды мәселелер талқыланды.
Астана. 7-қараша. Kazakhstan Today - Кеше ҚР Экономикалық даму және сауда вице-министрі Тимур Жақсылықов пен Малайзияның Халықаралық сауда және өндіріс министрлігі Бас хатшысының орынбасары Мохд Ридзал Шерифтің тең төрағалығымен Қазақстан-Малайзия сауда-экономикалық комитетінің бірлескен екінші отырысы болып өтті, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, отырыста екіжақты әріптестіктің ағымдағы жағдайы мен қазақстан-малайзия ықпалдастығын одан әрі дамытумен байланысты басымды мәселелер талқыланды.
"Қазақстан-малайзиялық қарым-қатынастың әлеуеті бүгінгі таңда өте тұрақты әрі үнемі даму үстінде. Малайзия еліміздің сыртқы саясатындағы оңтүстік-шығыс бағыттағы маңызды орындардың бірінде. Бүгінгі отырысымыз Елбасы Нұрсұлтан Назарбаевтың биылғы сәуірде Малайзияға барған ресми сапарында екі ел басшыларының берген тапсырмаларын орындаудағы механизмдердің бірі болып табылады", - деді ҚР Экономикалық даму және сауда вице-министрі Тимур Жақсылықов.
Оның айтуынша, 2011 жылы Қазақстан мен Малайзия арасындағы сыртқы сауда айналымы 97,1 млн. долларға жетіп, 25,1 пайыздық өсім көрсеткен.
Қазақстанның Малайзияға жасаған экспорты былтыр 1,8 млн. АҚШ долларына жетіп, бұрнағы жылғы көрсеткіштен 3,5 есе көбейген. Ал Малайзиядан Қазақстанға жасалған импорт өлемі 95,3 млн. долларды қамтып, 23,6 пайызға өскен.
"Изірше біздің елімізден Малайзияға шығарылатын тауар айналымы айтарлықтай көп емес. Дегенмен бұл көрсеткіштің үлкен жылдамдықпен өсіп келе жатқанын ескерсек, алдағы жылдарда мұнай-газ, тау-кен өндірісі, ауылшаруашылығы және басқа да салалар бойынша тауар айналымы жаңа сатыға көтеріледі деген сенімдеміз", - деді Тимур Жақсылықов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.