АСТАНА. 8-қараша. Kazakhstan Today. Мысыр президенті Хосни Мүбәрактың елімізге ресми сапары аясында бүгін Астанада екі мемлекет басшысының қатысуымен Отан қорғаушылар ескерткішінің жанында Мәңгілік алауға гүл шоқтарын қою рәсімі өтті, деп хабарлайды Kazakhstan Today тілшісі.
Қазақстан президенті Нұрсұлтан Назарбаев пен Мысыр президенті Хосни Мүбәрак сонымен бірге мемлекет басшыларының аллеясында ағаш егу рәсіміне де атсалысты.
Бұдан бұрын да хабарлағанымызадй, Мысыр Араб Республикасының президенті Хосни Мүбәрак елімізде екі күндік тұңғыш ресми сапармен жүр. Сейсенбіде Х.Мүбәрак пен Н.Назарбаевтың кездесуі болып, онда сауда-экономикалық және мәдени-гуманитарлық салалардағы екі жақты және халықаралық ұйымдар аясындағы ынтымақтастық мәселелері талқыланды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Мысыр жетекшілері Астанадағы Мәңгілік алауға гүл шоқтарын қойды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.