Қазақстан мен Оман сыртқы саясат аясындағы біріккен іс-әрекет жоспарын қабылдайды
Қазақстан мен Оман сыртқы саясат аясындағы біріккен іс-әрекет жоспарын қабылдайды
Астана. 4-ақпан. "Қазақстан Бүгін" - Қазақстан мен Оман мемлекеттерінің сыртқы істер министрлері кеңесінің бірінші кезеңінің қорытындысы бойынша тиісті хаттамаға, сондай-ақ "Қазақстан Республикасы мен Сұлтан Оманның ішкі істер министрліктерінің 2008 жылға арналған іс-әрекет жоспарына" қол қою жоспарлануда. Бұл туралы бүгін брифингте Қазақстан Республикасы Сыртқы істер министрлігінің ресми өкілі Ержан Ашықбаев мәлім етті, деп хабарлайды "Қазақстан Бүгін" агенттігінің тілшісі.
"Қазақстанның сыртқы істер министрінің орынбасары Нұрлан Ермекбаев басқарған қазақстандық өкілдердің Оманға сапарының мақсаты Қазақстан мен Оман мемлекеттерінің сыртқы істер министрлері кеңесінің бірінші кезеңін өткізу болып табылады.
Консультация барысында тараптар екі елдің саяси, сауда-экономикалық және мәдени-гуманитарлық салаларындағы өзара ықпалдастық бағыттарының болашағын, сонымен қатар халықаралық және аймақтық ұйымдар мен форумдар аясындағы Астана мен Маскат арасында одан әрі ынтымақтастықты талқылайды",- деп хабарлады Е. Ашықбаев.
Оның айтуынша, Н. Ермекбаев сондай-ақ Эль-Кувейтке барып, Кувейт жағымен сыртқы істер министрлері кеңесін өткізеді. Эль-Кувейтте ол Кувейттің премьер-министрінің орынбасары, Сыртқы істер министрі шейх Мухаммад ас-Сабах ас-Салим Ас-Сабахтың қабылдауында болады.
Қазақстан делегациясының Оман Сұлтандығы мен Кувейт Республикасына сапары 9 - 10 ақпан аралығында өтеді деп күтілуде.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.