Қазақстан мен Өзбекстан өзен суын тиімді пайдалануға байланысты мәселені шешуде күш біріктірмек
Аралды құтқару маңызды. Бұл туралы бүгін Ақордада Өзбекстан Президенті Ислам Каримовпен кездескеннен кейінгі брифингте Елбасы Нұрсұлтан Назарбаев мәлім етті.
Астана. 7-қыркүйек. Kazakhstan Today - Қазақстан мен Өзбекстан өзен суын тиімді пайдалануға байланысты мәселені шешуде күш біріктірмек, деп хабарлайды Kazakhstan Today агенттігінің тілшісі.
Аралды құтқару маңызды. Бұл туралы бүгін Ақордада Өзбекстан Президенті Ислам Каримовпен кездескеннен кейінгі брифингте Елбасы Нұрсұлтан Назарбаев мәлім етті.
"Келіссөздер барысында Орталық-Азия өңірінің су-энергетикалық ресурстарын бірлесе пайдалану тетігін талқылау, Аралды құтқару халықаралық қоры қызметін жандандыру мәселесі маңызды болды. Бұл мәселе барша республикалар үшін өте маңызды. Біздің көршілес және бауырлас елдерге, яғни өзендердің (Сырдария, Амурдария) жоғарғы бастауында орнасқандарға Қазақстан мен Өзбекстан, Амурдария бойынша Түрікменстан төменде судың жетіспеушілігін сезініп жатқандығы жайлы тағы да "бауырластық сәлемімізді" жолдаймыз", - деді Елбасы.
Осы орайда Мемлекет басшысы судың жетіспеушілігін әр адам сезінетінін және бұл миллиондаған адамдардың өмірі екенін қадап айтты. "Бұл мәселелерді осы ұйым құрамындағы барлық елдерге тиімді болатындай етіп, бірлесе шешеміз деп үміттенеміз. Аралды құтқару мәселесі де осының негізінде. Менің ойымша, Өзбекстанның осы қорға төрағалық етуі дамуға жаңа серпін бермек", - деді Президент.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.