АСТАНА. 29-наурыз. Kazakhstan Today. Қазақстан мен Польша арасындағы тауар айналымы екі елдің әлеуетіне сай емес. Мұндай пікірді Польша президенті Лех Качиньскиймен кездесуінен кейін өткен біріккен баспасөз мәслихатында Қазақстан Республикасының президенті Нұрсұлтан Назарбаев мәлім етті, деп хабарлайды Kazakhstan Today агенттігінің тілшісі.
"Өткен жылғы қорытынды бойынша өзара тауар айналымы 507 млн АҚШ долларын құраған. Бұл көрсеткіш екі елдің мүмкіндігіне сай емес",- деді Нұрсұлтан Назарбаев. Президенттің пікірінше екі елдің де "көлік, транзит, машина жасау, қорғаныс өнеркәсібі және ауыл шаруашылығы сияқты салалардағы ынтымақтастығын дамытуға жақсы мүмкіндіктері" бар.
"Біз сондай-ақ Орта Азиядан Польша аумағы арқылы ЕуроОдақ елдеріне қуат көздерін тасымалдаудың болашағын қарастырдық. Қазақстанның Еуропаға энергоресурстарын тасымалдаушы ретіндегі маңызды ролі атап көрсетілді",- деді Нұрсұлтан Назарбаев.
Сонымен қатар, Қазақстан басшысы, "екі ел арасында дипломатиялық қатынас орнаған 15 жыл ішінде экономикалық және саяси ынтымақтастықтың мықты іргетасы қаланғанын", атап өтті. "Польша Қазақстанның Орталық Еуропадағы маңызды сауда-экономикалық серіктесі болып табылады",- деп қосты ол.
Л. Качиньский өз кезегінде, "Польша мен Қазақстанның қарым-қатынасы жақсы дамып келе жатқандығын және қазіргі уақытта ешқандай талас туғызатын мәселелер жоқ" екендігін атап өтті. Сондай-ақ, ол екі ел арасындағы тауар айналымы көлемінің қанағаттанарлық емес екендігін айтып өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Польша арасындағы тауар айналымы екі елдің әлеуетіне сай емес
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.