АСТАНА. 11-қазан. Kazakhstan Today. Бүгін Астанада Қазақстан мен Польша Консулдық конвенцияның күшіне енуі туралы ратификациялық мадақтамамен алмасты. Бұл туралы Kazakhstan Today тілшісіне ҚР СІМ-нің баспасөз қызметі хабарлады.
Тиісті хаттамаға ҚР СІМ-нің орынбасары Қайрат Ибдірахманов пен Қазақстандағы Польша елшісі Владислав Соколовски қол қойды.
Қазақстан Консулдық конвенцияны 2006-жылдың 4-шілдесінде бекіткен. Бұл құжат консулдық қарым-қатынастар жөніндегі 1963-жылғы Вена конвенциясының базасында жасалған. Оған республика 1993-жылы бірікті.
"Екі жақты консулдық конвенцияда Вена конвенциясының басты ережелері сақталған, тереңдетіле кеңейтілген құжат. Ол ұлттық заңнамалардың ерекшелігі мен Қазақстан мен Польша арасындағы қазіргі достық байланыстарға жауап береді",- деп хабарлайды СІМ.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Польша Консулдық конвенцияның күшіне енуі туралы ратификациялық мадақтамамен алмасты
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.