Қазақстан мен Ресейдің бірлескен "Алдаспан-2008" атты әскери оқу-жаттығулары 3 қазанда Алматы түбінде өтеді
Қазақстан мен Ресейдің бірлескен "Алдаспан-2008" атты әскери оқу-жаттығулары 3 қазанда Алматы түбінде өтеді
Астана. 30 қыркүйек. "Қазақстан Бүгін" - Қазақстан мен Ресейдің бірлескен "Алдаспан-2008" атты әскери оқу-жаттығулары 3 қазанда Алматы түбінде өтеді, деп хабарлайды агенттік тілшісі ҚР Қорғаныс министрлігінің баспасөз қызметіне сілтеме жасап.
""Алдаспан-2008"атты Қазақстан мен Ресейдің бірлескен оперативтік-тактикалық, командалық -штабтық оқу-жаттығулары 3 қазанда Алматы түбіндегі Гвердейский ауылындағы жаяу әскерлерді оқыту орталығында өтеді", - деп хабарлайды баспасөз қызметі.
Қорғаныс министрлігінің мәліметінше, оқу-жаттығуларға Қазақстанның Қарулы Күштерінің "Оңтүстік" өңірлік қолбасшылығының басқарушы органдары мен республиканың аэроұтқыр әскерлері, РФ Искери-әуе күштерінің бас қолбасшылығының оперативтік тобы, Су-25 звеносы мен РФ Қарулы күштері Бас штабы бас басқармасының арнаулы тобы қатысады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.