Қазақстан мен Самоа арасында дипломатиялық байланыс орнады
Қазақстан мен Самоаның тұрақты өкілдері Нью-Йоркте екі ел арасында дипломатиялық байланыс орнату туралы бірлескен мәлімдемеге қол қойды.
Астана. 13-ақпан. Kazakhstan Today - Қазақстан мен Самоа арасында дипломатиялық байланыс орнады, деп хабарлайды Kazakhstan Today агенттігінің тілшісі.
Қазақстан мен Самоаның тұрақты өкілдері Нью-Йоркте екі ел арасында дипломатиялық байланыс орнату туралы бірлескен мәлімдемеге қол қойды.
Қазақстан СІМ баспасөз қызметінің хабарлауынша, құжатқа Қазақстан жағынан БҰҰ жанындағы тұрақты төраға Бірғаным Ийтімова, Самоа тәуелсіз мемлекетінің атынан Али'иоаига Фетури Элисая қол қойған.
Самоа - Тынық мұхитының оңтүстік бөлігінде, осымен аттас архипелагтың батыс бөлігіне орналасқан мемлекет.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.