Қазақстан мен Түркия президенттері Түркістан қаласына келді
Қазақстан мен Түркия президенттері Түркістан қаласына келді
Астана. 24 мамыр. Kazakhstan Today - Бүгін мемлекет басшысы Нұрсұлтан Назарбаев Түркия Республикасының президенті Абдуллаһ Гүлмен бірге Түркістан қаласына келді, деп хабарлайды Kazakhstan Today президенттің баспасөз қызметіне сілтеме жасап.
Баспасөз қызметінің ақпаратына сәйкес, мұнда мемлекет басшылары Қ.А.Яссауи атындағы Халықаралық қазақ-түрік университетін аралап көріп, оқытушы-профессорлар құрамы және студенттермен кездесті.
Елбасы Нұрсұлтан Назарбаев өз сөзінде: "Баршамыз байырғы баба - батыр түркінің кіндігінен өсіп-өнген ұрпақпыз. Тіліміз жақын, тілегіміз бір. Тағдырымыз ұқсас, тарихымыз ортақ" деді.
Кездесу барысында Түркия Республикасының президенті Абдуллаһ Гүлге оқу орнының құрметті докторы дипломы тапсырылды. Көрсетілген құрметке рахмет айтқан Абдуллаһ Гүл, Қазақстан президентінің жаһандық бейбітшілік пен өңірлік ынтымақтастықтың дамуына қосқан үлесін ерекше атап көрсетті.
Сонымен қатар екі ел басшылары Қ.А. Яссауи кесенесінде болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.