КИЕВ. 2-ақпан. Kazakhstan Today. Бүгін Киевте Мариинск сарайында Украина мен Қазақстан президенттерінің төрағалығымен өткен украина-қазақстан келіссөздерінің нәтижесінде бірқатар екіжақты құжаттарға қол қойылды, деп хабарлайды Kazakhstan Today агенттігінің тілшісі Украина президентінің баспасөз қызметіне сілтеме жасай отырып.
Атап айтқанда, Украина мен Қазақстанның 2007 - 2008 жылғы іс-әрекеттер жоспарына қол қойылды. "Құжатқа Украина президенті Виктор Ющенко мен Қазақстан Республикасының президенті Нұрсұлтан Назарбаев қол қойды", - деді баспасөз қызметінен.
Сонымен қатар, екі ел үкіметінің арасындағы қазақстан мұнайын Украинаға тасымалдау және оның Украина аумағы бойынша өтуі жөніндегі ынтымақтастық туралы келісімге өзгертулер енгізу туралы хаттамағы қол қойылды. "Құжатқа Украинаның жанармай және энергетика министрі Юрий Бойко мен Қазақстан Республикасының минералдық ресурстар және энергетика министрі Бақтықожа Ізмұхамбетов қол қойды",- деп көрсетілген хабарламада.
Сонымен қатар, Украинаның Львов облыстық мемлекеттік әкімшілігі мен Қазақстанның Маңғыстау облысының әкімшілігі арасында тауар-экономикалық, ғылыми-техникалық және мәдени ынтымақтастық туралы келісім жасалды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Украина бірқатар екіжақты құжаттарға қол қойды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.