Қазақстан мен Венгрия үкіметтері экономикалық ынтымақтастықты дамытпақшы
Қазақстан мен Венгрия үкіметтері экономикалық ынтымақтастықты дамытпақшы
Астана. 20 маусым. "Қазақстан Бүгін" - Қазақстанның экономика және бюджетті жоспарлау министрі Бахыт Сұлтановтың Венгрия Республикасына сапары аясында 20 - 21 маусым күндері Қазақстан мен Венгрия үкіметтері экономикалық ынтымақтастық туралы келісімге қол қояды деп күтілуде. Бұл туралы агенттік тілшісіне ҚР Экономика және бюджетті жоспарлау министрлігінің баспасөз қызметінен хабарлады.
Баспасөз қызметінің ақпаратына сәйкес, келісімге Қазақстан жағынан Б. Сұлтанов, Венгрия жағынан - қаржы министрі Я. Вереш қол қоймақшы.
Келісім "сауда-экономикалық ынтымақтастық жөніндегі Қазақстан -Венгрия комиссиясының іс-қызметін реттейтін нормативтік-құқықтық құжат болып табылады, бұл комиссияның бірінші отырысы биыл өтеді деп жоспарлануда".
Баспасөз қызметінің ақпаратына сәйкес, Қазақстан мен Венгрия арасындағы экономикалық ынтымақтастық жөніндегі бұған дейінгі үкіметаралық келісім Венгрияның 2004 жылдың мамыр айында Еуропалық Одаққа мүшелікке өтуіне байланысты өз күшін жойды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.