Қазақстан Мумбайда болған тағылық актілерді қатаң айыптайды және лаңкестікпен күресте жаһандық ынтымақтастықты кеңейтуді жақтайды - мемлекеттік хатшы
Қазақстан Мумбайда болған тағылық актілерді қатаң айыптайды және лаңкестікпен күресте жаһандық ынтымақтастықты кеңейтуді жақтайды - мемлекеттік хатшы
Астана. 9 желтоқсан. "Қазақстан Бүгін" - Қазақстан Мумбайда болған тағылық актілерді қатаң айыптайды және лаңкестікпен күресте жаһандық ынтымақтастықты кеңейтуді жақтайды. Бұл туралы Қазақстан Республикасының мемлекеттік хатшысы Қанат Саудабаев бүгін Үндістанның Қазақстандағы төтенше және өкілетті елшісі Ашок Саджанхарды қабылдаған кезде мәлімдеді, деп хабарлайды агенттік тілшісі президенттің баспасөз қызметіне сілтеме жасап.
Баспасөз қызметінің ақпаратына сәйкес, мемлекеттік хатшы Қазақстан мен Үндістан арасындағы саяси, экономикалық және мәдени-гуманитарлық салалардағы ынтымақтастықты дамытудың перспективасы кең екендігін мәлімдеді.
"Қазақстан мен Үндістан қарым-қатынасы жайында айтатын болсақ, бүгінде ол айтарлықтай кеңейіп келеді. Жоғары деңгейдегі байланыстар біздің өзара тиімді ынтымақтастығымызды одан әрі нығайтуға ықпал ететініне сенімдімін", - деп мәлімдеді Қ.Саудабаев.
Ол президенттің Үндістан басшылығының келесі жылдың басында осы елге мемлекеттік сапармен келу жөніндегі шақыруын қабыл алғандығын атап көрсетті.
Біз Елбасының бұл сапарына үлкен маңыз береміз және ол Қазақстан-Үндістан қарым-қатынасын сапалы жаңа деңгейге көтереді деп үміттенеміз", - деп атап өтті ҚР мемлекеттік хатшысы.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.