Қазақстан президенті АҚШ-қа сапарын Буштар отбасының атақонысынан бастайды
АЛМАТЫ. 26-қыркүйек. Kazakhstan Today. Қазақстан президенті Нұрсұлтан Назарбаев АҚШ-қа сапарын Буштар отбасының Атлант мұхитының жағалауы Мэн штатындағы Кеннебанкпорт түбіндегі көне атақонысынан бастайды, деп хабарлайды Kazakhstan Today тілшісі Ресейдің "Новости" ақпараттық агенттігіне сілтеме жасап.
Кеннебанкпортта Нұрсұлтан Назарбаев АҚШ-тың бұрынғы президенті үлкен Джордж Бушпен кездеседі.
Мэн штатынан Қазақстан президенті Вашингтонға аттанады. Онда ол АҚШ конгрессі мен үкіметі мүшелерімен, сондай-ақ, АҚШ-тың іскерлік өкілдерімен кездесулер мен келіссөздер өткізеді.
Бейсенбіде Н.Назарбаев АҚШ астанасындағы Қазақстан елшілігі аумағында Қазақстан тәуелсіздігінің құрметіне арналған ескерткіштің ашылуына, сондай-ақ, "Ядролық қатерді азайту жөніндегі бастама" қорының басшысы Тед Тернердің Вашингтонда қазақ президентінің құрметіне беретін қонақасына қатысады.
Жұма күні Ақ үйде Н.Назарбаевты АҚШ президенті Джордж Буш қабылдайды. "Қазақстан мен АҚШ президенттері демократияны ілгерілету, лаңкестікпен күрес, энергетиканы диверсификациялау, гүлденуді жаппай тарату және бостандық пен қауіпсіздік аясын кеңейтуге бағытталған біздің ортақ талпынысымыз сынды кең көлемді мәселелерді талқылайды",- деп мәлімдеді сапар қарсаңында Ақ үйдің баспасөз хатшысы Тони Сноу.
Ақ үйдің баспасөз қызметі "Қазақстан - АҚШ-тың маңызды стратегиялық әріптесі" екенін баса атап көрсетуде.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.