Қазақстан президенті Екатеринбург қаласында Үндістан премьер-министрімен кездесті
Қазақстан президенті Екатеринбург қаласында Үндістан премьер-министрімен кездесті
Алматы. 16 маусым. "Қазақстан Бүгін" - Екатеринбург қаласында Шанхай ынтымақтастық ұйымының саммиті аясында Қазақстан президенті Нұрсұлтан Назарбаев Үндістан премьер-министрі Манмохан Сингхпен екіжақты кездесу өткізді, деп хабарлайды "Қазақстан Бүгін" агенттігі ресми БАҚ-тарға сілтеме жасап.
"Үндістанға шақыруыңыз үшін ризамын. Бізде Делидегі келіссөздер сәтті өтті. Сапар бағдарламасы толық іске асты. Оның қорытындысына мен ризамын. Біз экономиканың түрлі салалары бойынша нақты келісімдерге қол жеткіздік", - деп атап көрсетті Елбасы үнді премьерімен болған кездесуде.
Одан кейінгі әңгіме жабық есік жағдайында өтті.
Естеріңізге сала кетейік, ағымдағы жылдың қаңтар айында Н.Назарбаев Үндістанда мемлекеттік сапармен болып қайтқан болатын. Қазақстан президентінің сол жолғы сапарында ядролық энергетика, ақпараттық технологиялар салаларында құжаттарға қол қойылды. Тараптар стратегиялық серіктестікті дамытуға әзірліктерін білдірді.
Қазақстан саяси тұрғыда Үндістанмен Азиядағы өзара ықпалдастық және сенім шаралары кеңесі, Шанхай ынтымақтастық ұйымы, Біріккен Ұлттар Ұйымы аясында ынтымақтасады.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.