Қазақстан президенті Ресей Федерациясының сыртқы істер министрі Сергей Лавровты қабылдады
Қазақстан президенті Ресей Федерациясының сыртқы істер министрі Сергей Лавровты қабылдады
Астана. 22 ақпан. Kazakhstan Today - Елбасы Нұрсұлтан Назарбаев бүгін Қазақстанға жұмыс сапарымен келген Ресей Федерациясының сыртқы істер министрі Сергей Лавровты қабылдады, деп хабарлайды Kazakhstan Today.
Кездесуден кейінгі брифингте С. Лавров қазақстандық әріптесімен бірге президенттер деңгейінде қол жеткізілген уағдаластықтарды жүзеге асыруға бағытталған қадамдарды әзірлеуге арналған келіссөздердің қорытындысы жайлы айтып бергендерін жеткізді.
"Ол уағдаластықтар біздердің екіжақты қарым-қатынастарымызға, әртүрлі көптарапты құрылымдарға қатысуымызға да қатысты. Ресей биыл ТМД-ға, Қазақстан ЕҚЫҰ-ға төрағалық жасауда" дедіС. Лавров.
"Біздің елдер ҰҚШҰ-ға және ЕурАзЭҚ-қа кіреді, Беларусь Республикасымен бірлесе Кедендік одақты құрып отырмыз", - деп еске салды С. Лавров.
"Бізде талқылайтын, өз көзқарастарымызды салыстыратын тұстар көп. Қанағаттана айта алатыным мынау: осы барлық бағыттар бойынша біздің ұстанымдарымыз ортақ, біз - стратегиялық серіктестерміз әрі одақтастармыз", - деді РФ СІМ.
"Бүгінгі келіссөздер барысында ағымдағы жылы Қазақстанның ЕҚЫҰ-ға, Ресейдің ТМД-ға төраға болуында табысты қамтамасыз ететін тәжірибелік қадамдар жайлы келістік", - деді С. Лавров.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.