Қазақстан президенті Тәжікстанға сапары аясында бизнес-форумға қатысады - "Қазинвест"
Қазақстан президенті Тәжікстанға сапары аясында бизнес-форумға қатысады.
"ҚАЗАҚСТАН БҮГІН". 7 қыркүйек. АСТАНА. Қазақстан президенті Нұрсұлтан Назарбаев қыркүйектің 13 мен 14 аралығында өтетін Тәжікстанға ресми сапары аясында бизнес-форумға қатысады, деп хабарлайды агенттік Қазақстанның инвестицияларға қолдау көрсету жөніндегі "Қазинвест" орталығының баспасөз қызметіне сілтеме жасап.
"Сапар аясында, 13 қыркүйекте, екі ел президенттерінің қатысуымен Қазақстан және Тәжікстан бизнесі өкілдеріне арнап "Қазақстан-Тәжікстан: инвестициялық ынтымақтастық перспективалары" атты бизнес-форум өткізу межеленген",- делінген баспасөз қызметі таратқан хабарламада.
Бизнес-форум барысында экономиканың шикізаттан өзге салаларындағы өзара тиімді ынтымақтастық мәселелерін талқылау межеленген.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.