АСТАНА. 13-қыркүйек. Kazakhstan Today. Қазақстан президентінің АҚШ-қа ресми сапары барысында экономикалық ынтымақтастық мәселесі келіссөздердің басты тақырыбына айналмақ. Бұл туралы президент Нұрсұлтан Назарбаев бүгін Астанада өткен баспасөз мәслихатында мәлімдеді, деп хабарлайды Kazakhstan Today тілшісі.
"Екі ел арасындағы қарым-қатынасты, әсіресе, экономика және діни саясат мәселелері бойынша өзара ынтымақтастықты жоғары деңгейге көтеретін мерзім жетті",- деді Н.Назарбаев.
"Қазір Қазақстан Дүниежүзілік сауда ұйымына мүшелікке өту үшін жұмыс істеп жатыр, индустриялық бағдарламаны жүзеге асыруда, әлемдегі бәсекеге барынша қабілетті 50 елдің қатарына қосылуға ұмтылып отыр. Бұл мәселелердің бәрі келіссөздердің тақырыбы",- деді мемлекет басшысы.
"АҚШ біздің тәуелсіздігімізді бірінші болып мойындаған елдердің бірі. Қазақстанға тартылған 50 млрд. доллар көлеміндегі инвестицияның үштен бір бөлігі АШҚ-тың үлесінде",- деді ол.
Қарусыздану мәселесінде де АҚШ пен Қазақстан ынтымақтаса жұмыс істеді, деді ол. "Біз ядролық қарудан бас татқан кезде АҚШ-тың қолдауына ие болдық. Бұл біздің қауіпсіздігіміз бен аумақтық біртұтастығымызға кепіл болды. Біз үшін ол аса маңызды жайт еді ",- деді Н.Назарбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан президентінің АҚШ-қа ресми сапары барысында экономикалық ынтымақтастық мәселесі талқыланады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.