Қазақстан президентінің Тәжікстанға ресми сапары басталды
Қазақстан президентінің Тәжікстанға ресми сапары басталды.
"ҚАЗАҚСТАН БҮГІН". 12 қыркүйек. ДУШАНБЕ. Бүгін Қазақстан президенті Нұрсұлтан Назарбаевтың Тәжікстанға ресми сапары басталды, деп хабарлайды "ҚАЗАҚСТАН БҮГІН" тілшісі.
Н.Назарбаевтың сапарының аясындағы барлық ресми шаралар бейсенбіде басталады.
Бұрын хабарлағанымыздай, сапар аясында екі ел басшыларының арасында шағын және кеңейтілген құрамдағы келіссөздер жүргізіледі. Кездесу қорытындысы бойынша, бірқатар екі жақты құжаттарға, соның ішінде ең негізгісі - бірлескен қазақ-түрікмен коммюникесіне қол қойылады.
Екі ел президенттері шағын және кеңейтілген құрамдағы делегациялардың қатысуымен өтетін келіссөздер барысында саяси, сауда-экономикалық, мәдени-гуманитарлық байланыстарды дамыту жайын талқылайды. Келіссөздердің өзегі тау-кен өнеркәсібіндегі, су энергетикасындағы, банк және құрылыс салаларындағы екі жақты ынтымақтастық мәселелері болады деп күтілуде.
Сапар аясында, 13 қыркүйекте, екі ел президенттерінің қатысуымен Қазақстан және Тәжікстан бизнесі өкілдеріне арнап "Қазақстан-Тәжікстан: инвестициялық ынтымақтастық перспективалары" атты бизнес-форум өткізу межеленген.
Іскерлік форум барысында жарғылық капиталы 100 миллион АҚШ доллары болатын, Тәжікстан аумағындағы инвестициялық жобаларды қаржыландыруға арналған қазақ-тәжік инвестициялық қорын құру туралы келісімге, Инвестиция және сауда саласында өзара түсіністік пен ынтымақтастық туралы меморандумға қол қою жоспарлануда.
Сол күні Тәжікстан президентінің жанындағы стратегиялық зерттеулер орталығында Н. Назарбаев Тәжікстан Мемлекеттік университетінің оқытушы-профессорлар құрамымен және студенттерімен кездеседі.
Бұдан кейін қазақстан мемлекет басшысы Тәжікстан парламентінің төменгі палатасының төрағасы Сайдулло Хайруллоевпен кездеседі.
Тәжістанның экономикалық даму министрлігінің мәліметтерінше, Тәжікстан мен Қазақстан арасындағы сыртқы тауар айналымы ағымдағы жылдың қаңтар-шілде айлары аралығында $200,4 млн жетті. Жеті айда Қазақстаннан Тәжікстанға 183,2 млн доллардың тауарлары экспортталды. Осы мерзімде Тәжікстаннан Қазақстанға 17,1 млн доллардың тауарлары жіберілді.
Қазақстан Тәжікстанға мұнай, ұн және жарма өнеркәсібі өнімдерін шығарады. Тәжікстан мақта мен жеміс-көкөністер шығарады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.