Қазақстан Республикасының президенті Нұсұлтан Назарбаев 23-25 наурызда Финляндия Республикасына бірінші мемлекеттік сапармен барады
Қазақстан Республикасының президенті Нұсұлтан Назарбаев 23-25 наурызда Финляндия Республикасына бірінші мемлекеттік сапармен барады
Астана. 19 наурыз. "Қазақстан Бүгін" - Қазақстан Республикасының президенті Нұсұлтан Назарбаев 23-25 наурызда Финляндия Республикасына бірінші мемлекеттік сапармен барады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
Сапар барысында Елбасының Финляндия басшылығымен және іскер тобымен кездесулері мен екіжақты құжаттарға қол қою жоспарлануда.
Сапар бағдарламасы бойынша Финляндияның беделді сыртқы саяси форумы - Паасикиви қоғамында Елбасы Н.Назарбаев сөз сөйлейді, сондай-ақ, фин тілінде жарық көрген "Қазақстандық жол" кітабының тұсаукесер рәсімі, сондай-ақ "Отаниеми" технопаркіне бару және Финляндияның іскер топтарымен кездесу көзделген.
Бұл сапар Қазақстан- Финляндия қарым-қатынастарын жаңа сапалы деңгейге көтеру үшін аса маңызды.
Сонымен қатар, жоғары деңгейдегі келіссөздер барысында Қазақстан мен Еуроодақ арасындағы ынтымақтастық мәселелері, атап айтсақ Еуропалық Одақпен ілгерілетілген серіктестік туралы жаңа келісімге қол қою, "Еуропаға жол" мемлекеттік бағдарламасын іске асыру барысы талқыланатын болады.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.