АСТАНА. 7-тамыз. Kazakhstan Today. Қазақстан сыртқы істер министрлігі еліміздің Сомалиге қару-жарақ сату мүмкіндігі туралы ақпаратты жоққа шығарды. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің баспасөз хатшысы Ілияс Омаров мәлімдеді,- деп хабарлайды Kazakhstan Today тілшісі.
"Бірқатар БАҚ-тарда Қазақстанның нышан белгілері салынуы мүмкін деліген ИЛ-76 ұшағымен Сомалидің Могадишо әуежайына әскери жүктердің заңсыз жеткізілгені жөнінде ақпарат таратылуға байланысты Қазақстанның Сыртқы істер министрлігі Қазақстан Республикасының аталмыш дерекке ешбір қатысы жоқ екенін және бұл елге ешқашан қару-жарақ сатып көрген жоқ деп мәлімдеме жасауға өкілетті",- деді ол.
СІМ өкілінің мәлімдеуінше, "Қазақстан Республикасы халықаралық сахнадағы барлық міндеттемелерін бұлжытпай орындайды. Соның ішінде Сомалиге әскери құрал-жабдық пен қару-жарақтың барлық түрін сатуға жаппай тыйым салу жөніндегі БҰҰ-ның 1992-жылғы №733 және 775-ші қарарларын да бұзған емес".
Қазақстан Сомалиге қару сатқан жоқ - ҚР СІМ
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.