АЛМАТЫ. 27 қазан. Kazakhstan Today. Қазақстан аймақтарында республикалық науқан басталды, басты мақсаты -"Отан" саяси партиясының бағдарламасын жетілдіруге қатысты ұсыныстар мен кеңестер жинақтау, деп хабарлады, науқанды ұйымдастырушы "Жастар таңдауы" қоғамдық бірлестігінің өкілдері.
Ұйымдастырушылар "Асар" мен "Отан" ірі саяси партиялардың біріккенін айта кетті. Осыған байланысты жаңадан құрылған "Отан" партиясы өзінің бағдарламасын реформалап, партияның жақтаушылары мен қолдаушыларының талаптарына лайықты етіп жасауды ұйғарды",-дейді "Жастар таңдауы" бірлестігінің өкілдері.
Сонымен қатар науқанды ұйымдастырушылар , "Отан"партиясы төрағасының орынбасары, "Жастар таңдауы" қамқоршылар кеңесінің төрайымы Дариға Назарбаеваның жастар бірлестігінің төртінші республикалық конференциясында айтқан: "Біз "Отан" партиясының жастар партиясы болғанын қалаймыз", деген сөзін еске салды. "Мен "Отан" партиясының болашағын жастармен, жас саясаткерлермен байланыстырамын", деді Д.Назарбаева.
"Жастар таңдауы" бірлестігінің таратқан баспасөз хабарламасында "Жастар жыл өткен сайын, қай салада болмасын белсенділігін арттыруда, оның ішінде саясатта да. Сондықтан да жастар осындай ірі, бірлескен партияның ісіне араласуы тиіс", деп көрсетілген.
Науқанды ұйымдастырушылар "дөңгелек үстел" өткізбек. Онда, партия бағдарламасын жетілдіру жөнінде ұсыныстар жасалады, сонымен қатар жастар арасында анкета жүргізіп, тілек, талаптар жинау жоспарда бар. Соңынан барлық ұсыныс, кеңестер партияның редакциялық комиссиясына ұсынылады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан жастары "Отан" партиясының бағдарламасын жетілдіру жөніндегі ұсыныстарын әзірлейді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.