Қазақстанда Кедендік одақтың Кедендік кодексінің жобасы жасалып аяқталды
Қазақстанда Кедендік одақтың Кедендік кодексінің жобасы жасалып аяқталды
Астана. 28 тамыз. Kazakhstan Today - Қазақстан, Ресей мен Беларусьтің Кедендік одағының Кедендік кодексінің жобасы жасалып аяқталды, таяу уақыттарда жоба мемлекетішілік келісу процедураларын жүргізуге жолданады, деп хабарлайды Kazakhstan Today ҚР Қаржы министрлігі Кедендік бақылау комитетінің баспасөз қызметіне сілтеме жасап.
Баспасөз қызметінің ақпаратына сәйкес, Қазақстанда Кедендік одақтың Кедендік кодексінің жобасы Кедендік процедураларды жеңілдету және үйлестіру жөніндегі халықаралық конвенцияның (Киото конвенциясы) ережелеріне негізделген.
"Бүгінгі жағдаймен Кедендік одаққа мүше елдерден Қазақстан ғана Киото конвенциясына біріккен. Кедендік одақтың Кедендік кодексінің жобасын жасау жұмыстарына жалпы басшылық жасау Қазақстан жағына тапсырылған", - делінген хабарламада.
"Кедендік одақтың Кедендік кодексінің жобасының бірінші нұсқасы 2009 жылдың 22 мамырында дайын болды. Кедендік кодектің жобасы әрбір тараптың мүдделі министрліктері мен мекемелерімен келісілген", - деп хабарлайды комитет.
Қазір тараптардың ұстанымы талқылану үстінде, бұдан кейін Кедендік кодектің жобасы мемлекетішілік келісу процедураларын жүргізуге жолданады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.