АСТАНА. 10 қазан. Kazakhstan Today. Қазақстанда өкілетті органдар құзыретін кеңейту 2007 жылдан 2011 жылдар аралығында кезеңмен жүзеге асыру жоспарлануда. Бұл жөнінде Қазақстан Республикасында демократиялық реформалар бағдарламасын әзірлеу және нақтылау жөніндегі мемлекеттік комиссияның отырысында "Ауыл" партиясының жетекшісі Ғани Қалиев мәлімдеді.
Ғ.Қалиев отырыс барасында өкілетті органдардың құзырын кеңейтуге қатысты жұмысшы топтың ұсыныстарымен таныстырды.
Атап айтқанда, жұмысшы топ мүшелері, премьер министрді парламенттің келісімімен ҚР президенті тағайындап, қызметінен босататын норманы енгізуді ұсынады. Сондай ақ, үкімет мүшелерін де парламент келісімімен және олардың кандидатуралары жеке комитеттерде қаралғаннан кейін ҚР президенті тағайындауы тиіс.
Оған қоса, жұмысшы топ мүшелерінің пайымдауынша, үкімет құрамына кірмейтін орталық атқарушы органдарының басшыларын және ұлттық холдинг пен компания жетекшілерін мәжілістің келісімімен үкімет тағайындап, қызметтерінен босатуы керек. Бас прокурор, ҰҚК төрағасы, Жоғарғы сот төрағасы парламент палаталарының біріккен отырысында Елбасының таныстыруымен тағайындалуы тиіс.
Сондай ақ, Ғ.Қалиев мәжіліс депутаттарының санын 134, ал сенат депутаттарын 68 адамға көбейтуды ұсынды. "Ир облыстан, республикалық маңызы бар қалалардан және астанадан өкілетті органдар депутаттарының біріккен отырысында сенатқа үш адамнан сайлануы қажет",- дейді жұмысшы топ жеткешісі. "Қалған 20 депутатты президент тағайындайтын болады",-деді ол.
Жұмысшы топ мүшелері республикалық бюджет қос палата отырысында бекітілуі тиіс деп есептейді. Халық қалаулыларына бюджетке өзгерту және толықтыру енгізу құқығы беріліп, оның орындалуын қадағалау міндеті де жүктелмек. Парламенттің қос палата отрысында үкімет есеп беретін болады деп жоспарлануда. "Есеп қабылданбаса, үкіметке деген сенімсіздікті білдіреді", дейді Ғ.Қалиев.
Мемлекеттік комиссия мүшелерінің ескертулері мен ұсыныстарына байланысты жұмысшы топтың өкілетті органдар құзыретін кеңейтуге қатысты жасаған ұсыныстарын пысықтау қажеттігі айтылды. Қорытынды құжат комиссия төрағасы Нұрсұлтан Назарбаевқа осы жылдың желтоқсан айында ұсынылатын болады. Мемлекеттік комиссия мүшелерінің келесі отырысы қараша айының соңында өткізіледі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанда өкілетті органдар құзыретін кеңейту 2007 жылдан 2011 жылдар аралығында кезеңмен жүзеге асыру жоспарлануда
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.