Қазақстанға 2 қазанда бразилиялық бизнес-делегация келеді
Қазақстанға 2 қазанда бразилиялық бизнес-делегация келеді
Астана. 28 қыркүйек. Kazakhstan Today - Қазақстанға 2 қазанда Бразилия Федеративтік Республикасының Даму, өндіріс және халықаралық сауда министрінің орынбасары Иван Жоао Гимараес Рамальо бастаған бразилиялық бизнес-делегация келеді. Бұл туралы Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды Kazakhstan Today.
Делегация құрамына Бразилияның авиация, тау-кен өндірісі, энергетика, металлургия, телекоммуникация, медицина, химия және ауыл шаруашылығы салалары мен жеңіл өнеркәсіп, оның ішінде жиһаз, мата тоқу, аяқ киім, тері және фармацевтика саласының өкілдерінен тұратын 40-тан астам іскерлері кіреді.
Бразиялиялық делегацияның сапары барысында 2 қазанда ҚР Индустрия және сауда министрлігі "Атамекен одағы" Ұлттық экономикалық палатасымен бірлесіп, Астанада қазақстандық мемлекеттік органдары мен іскер топтарының қатысуымен бизнес-форум өткізеді. Бизнес-форум аясында қазақстандық және бразилиялық іскер топтардың тікелей байланыс орнатуы мақсатында секцияларға бөлінген дөңгелек үстелдер ұйымдастыру жоспарланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.