АСТАНА. 10-тамыз. Kazakhstan Today. Қазақстанның адам құқықтары жөніндегі уәкілі Болат Байқадамов бүгін Ұлыбритания парламенті қауымдар палатасының депутаты, Ұлыбритания консервативтік партиясының вице-төрағасы, Ұлыбританияның Вестминистр демократиялық қорының басқарушысы Ричард Спринг мырзамен кездесті. Бұл туралы Kazakhstan Today тілшісіне Адам құқықтары жөніндегі ұлттық орталықтан хабарлады.
Кездесу барысында Б.Байқадамов Ұлыбритания парламентінің депутатына азаматтар құқығын қорғау саласындағы өзі атқаратын жұмыс бағыттарымен таныстырды. Уәкілдің арыз-шағымдарды қарауға, мемлекет пен қоғам өміріндегі түрлі салаларда адам құқығының сақталуын қадағалауға, ел өңірлерін аралауға, жинақтаған ақпараттардың негізінде адам құқығына қатысты ахуалға талдау мен мониторинг жүргізуге, адамның құқығы мен бостандығына қатысты заңнаманы жетілдіруге қатысты жұмыстары туралы ақпар берілді.
Өз кезегінде Р.Спринг Вестминистр демократиялық қорының іс-қызметінен хабар беріп, екі елдің саяси институттары арасындағы байланыс аясын кеңейту арқылы Қазақстан мен Ұлыбритания арасындағы әріптестік байланысты дамытуға мүдделілік танытты.
Б.Байқадамов құқық пен демократия, адам құқығын құрметтеу негізінде мемлекеттік басқарудың мейлінше тиімді принциптері мен тетіктерін ұзақ уақыттан бері мұрагерлікпен қолданып келе жатқан Ұлыбританияның мемлекеттік құрылымдарымен арада байланыс орнатудың маңызына ерекше тоқталды.
Тараптар қарым-қатынасты нығайту мәселелері бойынша пікір алмасып, екі жақты ынтымақтастықты дамытуға мүдделілік танытты.
Қазақстанның адам құқықтары жөніндегі уәкілі мен Ұлыбритания парламенті қауымдар палатасының депутаты өзара ынтымақтастықты дамыту мәселесін талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.