АСТАНА. 8-қыркүйек. Kazakhstan Today. Бүгін Астанада президенттің көмекшісі әрі Қазақстанның қауіпсіздік кеңесінің хатшысы Марат Тәжин мен АҚШ мемлекеттік хатшысының көмекшісі Ричард Баучер қауіпсіздік саласындағы ынтымақтастыққа қатысты мәселелерді талқылады. Бұл туралы Kazakhstan Today тілшісі ресми БАҚ-тарға сілтеме жасап хабарлайды.
Сонымен бірге кездесуде тараптар лаңкестікке қарсы күрес, Ауғанстанға көмек көрсету, Қазақстан мен АҚШ арасындағы екі жақты қарым-қатынас ахуалына қатысты мәселелерді талқылады.
АҚШ өкілдері Қазақстанның Орталық Азия аймағындағы тұрақтылық пен қауіпсіздікті қамтамасыз ету ісіне атсалысуы мен ролінен хабардар болды.
Кездесуге Қазақстандағы АҚШ елшісі Джон Ордвей қатысты.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанның қауіпсіздік кеңесінің хатшысы мен АҚШ мемлекеттік хатшысының көмекшісі қауіпсіздік саласындағы ынтымақтастыққа қатысты мәселелерді талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.