Қазақстанның логистикалық мүмкіндіктері Үрімшіде өтетін халықаралық көрмеде көрсетіледі
Бұл туралы "Қазақстан темір жолы" ҰК" АҚ баспасөз қызметінен хабарлады.
Астана. 1-қыркүйк. Kazakhstan Today - Қазақстанның логистикалық мүмкіндіктері Үрімшіде өтетін халықаралық көрмеде ұсынылады, деп хабарлады Kazakhstan Today.
Бұл туралы "Қазақстан темір жолы" ҰК" АҚ баспасөз қызметінен хабарлады.
"Бүгін ҚХР Үрімші қаласында "Экспо Китай - Евразия" деген Халықаралық көрме ашылды. Аталмыш көрмеге "Қазақстан темір жолы" ҰК" АҚ делегациясы қатысады. Көрме барысында қазақстандық темір жолдың транзиттік мүмкіндіктері таныстырылып, логистика мәселесіне қатысты "Жібек жолы" тақырыбында Дөңгелек үстел өткізіледі",- деп хабарлады баспасөз қызметінен.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.