Қазақстанның мемлекеттік хатшы әрі сыртқы істер министрі мен АҚШ мемлекеттік хатшысы өзара стратегиялық серіктестік жайлы талқылайды
Қазақстанның мемлекеттік хатшы әрі сыртқы істер министрі мен АҚШ мемлекеттік хатшысы өзара стратегиялық серіктестік жайлы талқылайды
Астана. 1 ақпан. Kazakhstan Today - Мемлекеттік хатшы - сыртқы істер министрі, Еуропадағы қауіпсіздік және ынтымақтастық ұйымының қазіргі төрағасы Қанат Саудабаев 2-4 ақпан аралығында АҚШ-қа ресми сапармен барады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Асқар Ибдірахманов құлағдар етті,- деп хабарлайды Kazakhstan Today.
Ақ үйдегі әкімшілік және Мемлекеттік департамент басшылықтарымен, АҚШ Конгрессінің беделді мүшелерімен болатын кездесулерде Астана мен Вашингтон арасындағы стратегиялық серіктестік, сондай-ақ Еуропадағы қауіпсіздік және ынтымақтастық ұйымы аясындағы қарым-қатынастардың өзекті мәселелерін талқылау жоспарлануда.
Қазақстан мен АҚШ дипломатиялық қатынас орнатқан кезден бері өзара тиімді ықпалдастықтың бірқатар бағыттары бойынша стратегиялық үнқатысуға қол жеткізген болатын.
Вашингтонда отандық дипломатияның жетекшісі АҚШ-тың Хельсинки Комиссиясында және беделді "Atlantic Council" зерттеу орталығында американдық саясаткерлер мен сарапшылар алдында сөз сөйлеп, бірқатар ірі халықаралық компаниялардың басшыларымен кездеседі деп күтілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.