Қазақстанның премьер-министрі С.Ахметов БР Президенті А.Лукашенкомен кездесті
С.Ахметов А.Лукашенкоға Қазақстан Республикасының Президенті Нұрсұлтан Назарбаевтың игі тілегі мен сәлемін жеткізді.
Астана. 25-сәуір. Kazakhstan Today - Бүгін Беларусь Республикасына ресми сапармен барған ҚР Премьер-Министрі Серік Ахметов осы елдің Президенті Александр Лукашенкомен кездесті, деп хабарлайды Kazakhstan Today агенттігінің тілшісі.
С.Ахметов А.Лукашенкоға Қазақстан Республикасының Президенті Нұрсұлтан Назарбаевтың игі тілегі мен сәлемін жеткізді.
С.Ахметов айтқандай, "Қазақстан мен Беларусь арасындағы қарым-қатынас жаңа сапалық деңгейге көтеріліп, екі ел басшылары негізін қалаған ынтымақтастық бүгінде оң сипат алуда".
Өз кезегінде, А.Лукашенко екі елдің өзара байланыстары үшін үлкен мүмкіндіктер бар екенін атап өтті.
"Қазақстан Беларусь үшін болашағы зор әріптес болып табылады, сіздің елмен ынтымақтастығымыз біз үшін үлкен игілік", - деді БР Президенті.
Кездесу барысында сауда-экономикалық саладағы екіжақты ынтымақтастықты, сонымен қатар Кедендік одақ пен Бірыңғай экономикалық кеңістік шеңберіндегі өзара іс-қимылды дамыту мәселелері талқыланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.