Қазақстанның сыртқы істер министрі Шығыс Еуропа елдерінде сапары барысында Приднестровье шиеленісін шешу перспективасы жайлы талқылайды
Қазақстанның сыртқы істер министрі Шығыс Еуропа елдерінде сапары барысында Приднестровье шиеленісін шешу перспективасы жайлы талқылайды
Астана. 29 наурыз. Kazakhstan Today - Қазақстанның сыртқы істер министрі Шығыс Еуропа елдерінде сапары барысында Приднестровье шиеленісін шешу перспективасы жайлы талқылайды. Бұл туралы Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды Kazakhstan Today.
"Наурыздың 30 мен сәуірдің 1-і аралығында ҚР мемлекеттік хатшысы - сыртқы істер министрі Қанат Саудабаев Шығыс Еуропа елдерінде сапармен болады",- деді І.Омаров.
"Сапар барысында Минскіде, Киевте және Кишеневте Қ. Саудабаев үш мемлекеттің басшылығымен, парламент жетекшілерімен, сондай-ақ сыртқы саясат ведомствосы өкілдерімен, саяси партиялардың басшыларымен келіссөздер жүргізетін болады",- деді ол.
Баспасөз хатшысының хабарлауынша, "аталған сапар аясында ҚР мемлекеттік хатшысы - сыртқы істер министрі Тирасполь қаласында болады деп күтілуде. Онда Приднестровье шиеленісін шешу перспективасы мен оған қатысты өзекті мәселелер талқыланады".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.