Қазақстанның вице-премьері Оңтүстік Кореяның жаңа президентімен ынтымақтастықтың болашағы жайлы талқыламақ
Қазақстанның вице-премьері Оңтүстік Кореяның жаңа президентімен ынтымақтастықтың болашағы жайлы талқыламақ
Астана. 25-ақпан. "Қазақстан Бүгін" - Қазақстан премьер-министрінің орынбасары Өмірзақ Шүкеев Оңтүстік Кореяның жаңа президенті Ли Мен Бакпен екіжақты ынтымақтастықтың болашағы жайлы талқылайды. Бұл туралы бүгін өткен брифингте ҚР Сыртқы істер министрлігінің ресми өкілі Ержан Ашықбаев мәлім етті, деп хабарлайды "Қазақстан Бүгін" агенттігінің тілшісі.
Е. Ашықбаев атап көрсеткендей, Қазақстан президенті Нұрсұлтан Назарбаевтың арнайы елшісі ретінде Ө. Шүкеев Сеул қаласында өткен Корея Республикасының президенті Ли Мен Бакты ұлықтау рәсіміне қатысқан. "26-ақпан күні Ө. Шүкеевтың президент Ли Мен Бакпен жеке кездесуі жоспарланған", - деп толықтырды Е. Ашықбаев.
Сыртқы істер министрлігінің ресми өкілі "Қазақстан мен Корея арасындағы қарым-қатынастар айтарлықтай қарқынды дамып келеді, саяси диалогтың, ауқымды экономикалық ынтымақтастықтың жоғары деңгейі қамтамасыз етіліп отыр", - деп атап көрсетті.
Оның айтуынша, Қазақстан экономикасына енгізген Корея инвестициясының көлемі 2,5 млрд АҚШ долларын құраған. 2007 жылы өзара сауда көрсеткіші 843,3 млн АҚШ долларын құрады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.