Кедендік одаққа қатысушы елдердің президенттері Біртұтас экономикалық кеңістік құру жөніндегі бірлескен іс-қимыл жоспарына қол қойды
Алматы. 20 желтоқсан. Kazakhstan Today - Алматы маңындағы "Ақбұлақ" кешенінде кеше ТМД елдерінің бірқатар мемлекет басшыларының бейресми саммитінің отырысы болып өтті, деп хабарлайды Kazakhstan Today президенттің баспасөз қызметіне сілтеме жасап.
Алматыға саммитке қатысу үшін Ресей президенті Дмитрий Медведев, Беларусь президенті Александр Лукашенко, Тәжікстан президенті Эмомали Рахмон, Қырғызстан президенті Құрманбек Бакиев, Армения президенті Серж Саргсян, Түрікменстан президенті Гурбангулы Бердымухаммедов келді.
"Мен Алматы маңындағы осы тамаша жерге келгендеріңіз үшін ризашылығымды білдіремін. Біз ортақ мүдделерге қатысты мәселелер бойынша пікір алмасу үшін жиналып отырмыз", - деді Қазақстан президенті отырысты аша отырып. Нұрсұлтан Назарбаевтың ұсынысы бойынша саммитте өңірлік қауіпсіздік мәселесі талқыланды. Мемлекет басшылары сондай-ақ алдағы уақыттағы Қазақстанның 2010 жылы ЕҚЫҰ-на төрағалық ету мәселелері бойынша пікір алмасты.
Саммитте Кедендік одаққа қатысушы елдердің президенттері - Қазақстаннан Нұрсұлтан Назарбаев, Ресейден Дмитрий Медведев пен Беларусьтан Александр Лукашенко Біртұтас экономикалық кеңістік (БЭК) құру жөніндегі бірлескен іс-қимыл жоспарына қол қойды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.